Call Us Today! 020 8133 7258|info@ittechnoplus.com

10.3.1.7 மனிதனுக்கு பாலியல் ரீதியாக கடத்தப்படும் தொற்று நோய்கள். – Sexually transmitted diseases.

10.3.1.7 மனிதனுக்கு பாலியல் ரீதியாக கடத்தப்படும் தொற்று நோய்கள். – Sexually transmitted diseases.

Gonorrhea

நோயாக்கி – Neisseria gonorrhea

கடத்தப்படும் முறைகள்-

புணர்தலின் போது ஆணிலிருந்து பெண்ணிற்கு அல்லது பெண்ணிலிருந்து ஆணுக்கு கடத்தப்படும்.

தாயிலிருந்து குழந்தைக்கு கடத்தப்படும்.

பிரதான அறிகுறிகள்

ஆண்களில் சிறுநீர் கழிக்கும் போது எரிவு அசௌகரியம் என்பன ஏற்படும்.

ஆணில் சிறுநீர் சனனிக்கானிலிருந்து சீழுடன் கூடிய மஞ்சள் நிறமான திரவம் வெளியேறுவதுடன் காய்ச்சல் தலைவலி காணப்படும்.

பெண்களில் பலோப்பியன் குழாய் சீழினால் நிரப்பப் பட்டிருப்பதுடன் மலட்டுத்தன்மை ஏற்படும்.

 

 

Syphilis

நோயாக்கி – Treponema pallidum

கடத்தப்படும் முறைகள்

புணர்தலின் போது ஆணிலிருந்து பெண்ணிற்கு அல்லது பெண்ணிலிருந்து ஆணுக்கு கடத்தப்படும்.

தாயிலிருந்து குழந்தைக்கு கடத்தப்படும்

பிரதான அறிகுறிகள்

உடலின் ஏதாவது பாகங்களில் குறிப்பாக யோனிமடல், உதடு, விரல், முலைக்காம்பு போன்ற இடங்களில் கொப்புளங்கள் அல்லது நோ அற்ற புண்கள் ஏற்படுத்தப்படுவதுடன் காய்ச்சல் தோல் எரிவு, தோல் அரிப்பு என்பன ஏற்படும்.

Herpes

நோயாக்கி – Herpes Simplex Virus

கடத்தப்படும் முறைகள்

புணர்தலின் போது ஆணிலிருந்து பெண்ணிற்கு அல்லது பெண்ணிலிருந்து ஆணுக்கு கடத்தப்படும்.

பிரதான அறிகுறிகள்

இலிங்க அங்கங்களை சூழ நோவுடன் கூடிய அரிக்கும் கொப்புளங்கள் காணப்படும்

சிலரில் காய்ச்சல் ஏற்படும்.

 

AIDS பெற்ற நிர்ப்பீடணக் குறைபாட்டு நோய்

நோயாக்கி – HIV (Human IMmunodeficincy Virus)

கடத்தப்படும் முறைகள்

புணர்தலின் போது ஆணிலிருந்து பெண்ணிற்கு அல்லது பெண்ணிலிருந்து ஆணுக்கு கடத்தப்படும்.

பிறப்பின் போது தாயிலிருந்து முதிர்மூலவுருக்கு கடத்தப்படும்

கிருமி அழிக்கப்படாத ஊசிகள் மூலம் கடத்தப்படும்.

பிரதான அறிகுறிகள்

உடல் நிறைக்குறைவு

பசியின்மை ஏற்படல்

காய்ச்சல் இருத்தல்

தொடர்ச்சியான இருமல் இருத்தல்

Lymphoma நோய் ஏற்படும்- இது நிர்ப்பீடணத் தொகுதியுடன் சம்பந்தப்பட்ட நோய் ஆகும்.

நிர்ப்பீடணத் தொகுதியில் ஏற்படும் குறைபாட்டால் தோன்றும் குறைபாட்டால் தோன்றும் சுவாசப்பை அழற்சி நோய்கள் ஏற்படும்.

AIDS பெற்ற நிர்ப்பீடணக் குறைபாட்டு நோய் வெளிக்காட்டப்படுவதற்கான காலம் மிகக் கூடியதாகும். HIV தொற்று ஏற்பட்டு ஏறத்தாழ 10 வருடங்களின் பின்னரே இது வெளிக்காட்டப்படும்.

10.3.1.6.8 உதவி வழி இனப்பெருக்கம் -
In vitro fertilization

மாதவிடாய்ச்சக்கரத்தின் வளமான காலப்பகுதியுள் இனப்பெருக்க வயதிலுள்ள தம்பதியினருக்கு ஒரு விதமான கருத்தடை முறைகளையும் பயன்படுத்தாமல் ஒரு வருடமாக புணர்ச்சியுற்றும் கருத்தரிக்காத நிலை மலட்டுத்தன்மை எனப்படும்.

மலட்டுத்தன்மை உள்ள சிலர் உதவி வழி இனப்பெருக்கத்தை நாடிக் கொள்கின்றனர்.

உடலுக்கு வெளியே முட்டையையும் விந்துக்களையும் மிக அண்மையில் வைத்து கருக்கட்டலுக்கு சந்தர்ப்பம் அளிக்கப்படும். இது உள்ளகக் கருக்கட்டல் எனப்படும்.

கருக்கட்டலால் பெறப்பட்ட முளையம் கருப்பையினுள் வைக்கப்பட்டு உட்பதிக்கப்படும். இவ் செயற்பாடுகள் யாவும் ஒருமித்து உதவி வழி இனப்பெருக்கம் எனப்படும்.

உதவி வழி இனப்பெருக்கத்தின் படிமுறைகளாவன

ஆணுக்கு ஓமோன்களை FSH, LH செலுத்தி விந்து உற்பத்தி தூண்டப்படும். உருவாக்கப்படும் விந்துக்கள் சேகரிக்கப்பட்டு பொருத்தமான நிபந்தனைகளில் களஞ்சியப்படுத்தப்படும்.

பெண்ணிற்கு ஓமோன்களாக FSH, LH என்பவற்றை செலுத்தி சூலகத்தை தூண்டி ஏராளமான கூல் உற்பத்தியாக்கப்படுவது தூண்டப்படும் பிறப்பிக்கப்பட்ட சூல்களிலிருந்து முதிர்ந்த, வாழ்தகவுள்ள சூல்களை சேகரித்து களஞ்சியப்படுத்தப்படும்.

பின்னர் ஆய்வுகூடத்தில் முதிர்ந்த சூல்களையும், வாழ்தகவுள்ள விந்துக்களையும் செயற்கையான முறையில் கருக்கட்டலடையச் செய்யப்படும்.

கருக்கட்டலால் பெறப்பட்ட முன்முளையத்தை ஆய்வுகூடத்தில் ஏற்ற நிபந்தனையில் வைத்து வளர்த்தல்.

முளையம் ஏற்ற பருமனை அடைந்ததும் கருப்பையினுள் […]

10.3.1.6.9 பிரசவம் – Delivery of baby

10.3.1.6.9 பிரசவம் – Delivery of baby முதிர்மூலவுரு உரிய பருமனை அடைந்ததும் ஒன்பதாவது மாதத்தின் இறுதியில்பிரசவம் நிகழும். சூல் காலத்தில் 16ஆம் வாரத்தில் சூல்வித்தகத்தினால் Progesterone, Oestrogen ஆகியன சுரக்கப்படும். Progesterone ஆனது கருப்பைச்சுவரை தளர்வு நிலையில் பேணுவதளால் முளையத்தின் அகவிருத்திக்கு உதவும். மேலும் இது தாயின் பிற்பக்க கபச்சுரப்பியிலிருந்து ஒக்சிட்டோசின் ஓமோன் விடுவித்தலை நிரோதிப்பதுடன் கருப்பைத் தசைப்படையிலுள்ள ஒக்சிட்டோசின் வாங்கிகளையும் நிரோதித்திருக்கும். இதனால் கருப்பைச் சுருக்கம் நிரோதிக்கப்பட்டிருக்கும். பிறப்புக்கு சற்று முன்னதாக குருதியில் Progesterone இன் செறிவு குறைவடைந்து தெளிவான வீழ்ச்சி ஏற்படும் இவ் வீழ்ச்சியினால் முதிர்மூலவுருவினதும் தாயினதும் பிற்பக்க கபச்சுரப்பி ஒக்சிட்டோசின் ஓமோனை விடுவிக்கும். ஒக்சிட்டோசின் ஓமோன் கருப்பைத் தசைப்படையிலுள்ள ஒக்சிட்டோசின் வாங்கிகளை தூண்டுவதால் அவற்றில் வலுவான சுருக்கம் ஏற்பட்டு கருப்பை சுருங்கும். ஒக்சிட்டோசின் ஓமோன் சூல்வித்தகத்தினை தூண்டுவதால் சூல்வித்தகத்திலிருந்து Prostaglandin எனப்படும் பதார்த்தம் சுரக்கப்படும். Prostaglandin கருப்பைத்தசையின் சுருக்க மீடிறன், சுருக்க விசை என்பவற்றை அதிகரிப்பதால் சுருக்க வேகம் அதிகரிக்கும். இதனால் சிசு யோனிமடலை நோக்கி தள்ளப்படும். கருப்பைச்சுவரின் சுருக்கமும், சிசுவின் தலையும் முறையே கருப்பைச் சுவரிலும், கருப்பைக் கழுத்திலும் உள்ள இழுவை வாங்கிகளை தூண்டும். இவ் தூண்டலால் மேலும் ஒக்சிட்டோசின், Prostaglandin என்பன சுரக்கப்பட்டு கருப்பையை மேலும் வலுவாக சுருங்கச்செய்யும் இதனால் சிசு யோனி மடலினூடாக தள்ளப்பட்டு பிரசவம் நிகழும்.

10.3.1.6.8 கர்ப்பமுறலும் மும்மாத விருத்தியும். Pregnancy and Fetal developement of trimester periods.

10.3.1.6.8 கர்ப்பமுறலும் மும்மாத விருத்தியும்.
Pregnancy and Fetal developement of trimester periods.
பெண்ணில் சூல் கருக்கட்டப்பட்ட நிலை கர்ப்பமுற்ற நிலை எனப்படும்.
மனிதப் பெண்ணில் கர்ப்பம் தரிக்கும் காலம் 40 வாரங்களாகும் (280 நாட்கள்).
கர்ப்பகாலத்தில் அகவிருத்தியில் நிகழும் செயற்பாடுகள் முதலாம் மும்மாதம் இரண்டாம் மும்மாதம் மூன்றாம் மும்மாதம் என மூன்று மும்மாதங்களாக பிரிக்கப்படும்.

 முதலாம் மும்மாதத்தில் நிகழும் அகவிருத்தி செயற்பாடுகள்.
மூன்றாம் மாதம் வரை சூல்வித்தகத்தின் விருத்தி நிகழும். எனினும் மூன்றாம் மாத முடிவிலேயே சூல்வித்தகம் தொழிற்படத் தொடங்கும். இதனால் முதலாம் மும்மாதத்தில் சிசு முளையம் என அழைக்கப்படும்.
முளையம் 7.5 சென்ரிமீற்றர் நீளமும் 25-30 கிராம் நிறையும் கொண்டிருக்கும்.
கண்கள் ஏறத்தா முழுமையாக விருத்தியடைந்திருக்கும். எனினும் கண்மடல்கள் பிரியாது இணைந்தே இருக்கும்.
மூக்கு விருத்தியடைந்த நிலையில் காணப்படும்.
காது விருத்தியடைந்திருக்கும். புறச்செவி காணப்படும்.
தூக்கங்கள் அல்லது அவயவங்கள் முழுமையாக தோற்றுவிக்கப்பட்டிருக்கும்.
நகங்கள் விருத்தியடைந்திருக்கும். எனினும் நகங்கள் விரலின் நுனி வரை விருத்தியடைந்திருக்காது.
பிரதான குருதிக்கலன்கள் விருத்தியடைந்திருக்கும். இதய அடிப்பை கேட்கக் கூடியதாக இருக்கும்.
கருக்கட்டல் நடைபெற்று 4 வாரங்களிலேயே குருதிக்கலன்கள். இதயம் என்பவற்றின் விருத்தி நிகழ்ந்து விடும்.
தலையின் அளவு ஏனைய உடற்பகுதிகளுடன் ஒப்பிடும் போது விகிதத்தில் பெரிதாக அமையும்.
இரண்டாம் மும்மாதத்தில் நிகழும் அகவிருத்தி செயற்பாடுகள்.
முதிர்மூலவுரு 25-35 சென்ரிமீற்றர் நீளமும் 550-700 கிராம் நிறையும் கொண்டிருக்கும்.
கண் மடல்கள் பிரிந்திருக்கும். கண் மடல்களில் மயிர்கள் தோன்றி இருக்கும்.
முகம் மனித இயல்புகளை பெறும்.
உடலைப் போர்த்துள்ள தோல் சுருங்கி இருக்கும்.
உடலைச் சூழ்ந்து நுண்ணிய மயிர்கள் காணப்படும்.
பல என்புகள் என்பாக்கம் அடைந்த நிலையில் காணப்படும்.
தலை பெரியது, எனினும் உடலின் ஏனைய பகுதிகளின் விகிதம் குறைவாக காணப்படும்.
இரண்டாம் மும்மாதத்தில் நிகழும் அகவிருத்தி செயற்பாடுகள்.
முதிர்மூலவுரு 50 சென்ரிமீற்றர் நீளமும் 3000 கிராம் நிறையும் கொண்டிருக்கும்.
உடலைச் சூழ்ந்து காணப்பட்ட நுண்ணிய மயிர்கள் உதிர்க்கப்படும்.
நகங்கள் விரலின் நுனி வரைக்கும் வளர்ச்சியடைந்து காணப்படும்.
ஆண் முதிர்மூலவுரு எனின் விதைகள் விதைப்பையினுள் இறங்கிக் காணப்படும்.
உச்சிக்குழி தவிர்ந்த தலையின் என்புகள் என்பாக்கப்பட்டு கடினமாக்கப்பட்டிருக்கும்.
தலையும் உடலின் ஏனைய பாகங்களும் சரியான விகிதாசாரத்திற்கு மாற்றமடைந்து விடும்.
முதிர்மூலவுருவின் எல்லா அங்கத்தொகுதிகளும் விருத்தியடைந்திருக்கும்.
40 வாரங்களின் பின்னர் பிரசவம் நிகழும்.
10.3.1.6.14 பெண் கருவுற்றிருப்பதற்கான ஆரம்ப அறிகுறிகள்.
பெண் கர்ப்பமுறுதலுடன் தொடர்புடைய ஓமோன்களின் அளவில் குருதியில் மாற்றங்கள் ஏற்படுவதனால் பெண்ணில் சில அறிகுறிகளை அவதானிக்கலாம்.
அவையாவன
மாதவிடாய் நிறுத்தப்படுதல்
Morning sickness ஏற்படும்.
வாந்தி, அருவருப்பு, தலைச்சுற்று வயிற்றுளைவு, குமட்டல் போன்றன ஏற்படும்.
சில உணவுப்பொருட்களுக்கு அவாவுறுதல், சில உணவுகளை வெறுத்தல்.
முலை மிருதுவானதாக மாறுவதுடன் பருமனில் பெருக்கும்.
முலையின் மையச்சிற்றிடைப்பிரதேசம் நிறம் மாறும்.
அடிக்கடி சிறுநீர் கழித்தல்.
சிலரில் மலச்சிக்கல் ஏற்படும்.
10 நாட்களின் பின்னர் குருதியிலும், 14 நாட்களின் பின்னர் சிறுநீரிலும் hCG ஓமோன் காணப்படும்.

10.3.1.6.6.2 மனித பெண்ணில் கருக்கட்டல் -Fertilization in humans

10.3.1.6.6.2 மனித பெண்ணில் கருக்கட்டல் -Fertilization in humans

மனித பெண்ணில் அகக் கருக்கட்டல் நிகழும். கருக்கட்டலானது பலோப்பியன் குழாயில் நிகழும்.

விந்துக்கள் சுக்கிலப்பாயத்துடன் சேர்ந்து பெண்ணின் இனப்பெருக்கச் சுவட்டில் விடுவிக்கப்படும்.

பெண்ணின் இனப்பெருக்கச் சுவட்டில் சுரக்கப்படும் சுரப்புக்களால் அங்கு விடுவிக்கப்பட்ட முதலுரு மென்சவ்வின் சில மூலக்கூற்றுக்குரிய மாற்றங்கள் ஏற்படும். இதனால் விந்துக்களின் இயங்கும் ஆற்றல் அதிகரிக்கப்பட்டு விந்துக்கள் அதி உயிர்ப்புத்தன்மையை அடையும். இது Capasitation எனப்படும்.

அதி உயிர்ப்புத்தன்மையை அடைந்த விந்துக்கள் கருப்பையினூடு அசைந்து பலோப்பியன் குழாயின் சேய்மைப்பகுதியை அடைந்து துணைமுட்டைக்குழியத்துடன் கருக்கட்டிக் கொள்ளும்.

அதி உயிர்ப்புக்குள்ளான விந்துக்கள் ஆரைமூடியினூடு ஊடுருவிச் சென்று தெளிவு வலயத்தை அடைந்து அங்குள்ள விந்து வாங்கித்தானத்துடன் இணைந்து கொள்ளும்.

இவ் இணைப்பால் விந்தின் தலையிலுள்ள உச்சி மூர்த்தம் உடைந்து Hyaluronidase, Pepsin, Proteinase போன்ற நொதியங்கள் வெளிவிடப்படும்.

இவ் நொதியங்கள் தெளிவு வலயத்திலுள்ள ஏனைய விந்து வாங்கித் தானங்களை அழித்து பல் விந்துக் கருக்கட்டலை தடுக்கும். இது உச்சி மூர்த்த தாக்கம் எனப்படும்.

இவ் நொதியங்களின் ஒரு பகுதி விந்து இணைக்கப்பட்ட பகுதியிலுள்ள தெளிவு வலயத்தை சமிபாடடையச் செய்வதால் விந்து உட்செல்வதற்கான பாதை ஏற்படும். இது விந்து வழிப் பாதை எனப்படும்.

விந்து வழிப் பாதை கருவுண் சுற்றுவெளி என்பவற்றினூடு இயங்கிய விந்து கருவுண் மென்சவ்வுடன் இணைக்கப்பட்டு விந்தின் தலை துணைமுட்டைக் குழியத்தின் குழியவுருவினுள் உட்புகும்.

துணைமுட்டைக் குழியத்தின் வெளிப்புறமாக காணப்படும் லைசோசோம்கள் சிதைந்து கருவுண் மென்சவ்வின் வெளிப்புறம் தம் நொதியங்களை வெளிவிடும்.

இவ் நொதியங்கள் கருவுண் சுற்றுவெளியினூடுஅசைந்து தெளிவு வலயத்தை தடிப்பாக்கி கடினத் தன்மை கொண்டதாக மாற்றும்.

விந்து உட்செல்லுகை துணைமுட்டைக்குழியத்தின் இரண்டாம் ஒடுக்கற்பிரிவை முழுமையாக்கி கருவுண் சுற்று வெளிக்குள் துணையான முனைவுடல் விடுவிக்கப்படுதல், சூல் தோன்றுதல் என்பவற்றை தூண்டும். துணையான முனைவுடல் உடனடியாகவே சிதைந்து விடும்..

இவ் நிலையில் விந்தின் கருவில் காணப்படும் குறோமற்றின் சுருள்களின் நெருக்கம் குறைவடைவதால் விந்தின் கரு பருமனில் அதிகரிக்கும்.

இவ் நிலையில் விந்தினதும் சூலினதும் கருக்கள் முதிர்வு வழிக் கருக்கள் என அழைக்கப்படும். அதாவது விந்தின் கரு ஆண் முதிர்வு வழிக் கரு எனவும், சூலின் கரு பெண் முதிர்வு வழிக் கரு எனவும் அழைக்கப்படும்.

பின்னர் ஆண் முதிர்வு வழிக் கருவும், பெண் முதிர்வு வழிக் கருவும் இணையும். இதுவே மனிதனில் உண்மையான கருக்கட்டல் ஆகும்.

தோன்றும் புதிய கரு விந்திலிருந்தும் சூலிலிருந்தும் பெற்ற இரு தொகுதி நிறமூர்த்தங்களை கொண்ட இருமடிய கருவாகும். இவ் கலம் நுகம் எனப்படும். நுகம் இருமடியமானது. தனிக்கலத்தாலானது.

கருக்கட்டலை தொடர்ந்து உடனடியாகவே நுகத்தின் கரு இழையுருப்பிரிவடையும்.

10.3.1.6.6.2.3 உட்பதித்தல் – Implantation

பலோப்பியன் குழாயினூடு அதன் அகவணியிலுள்ள பிசிர்களின் அடிப்பினால் நுகம் கீழ்நோக்கி அசையும் போது அது தொடர்ச்சியாக இழையுருப்பிரிவடைந்து முசுவுரு எனும் கலத்திணிவாக மாறும்.

சிறிய முசுவுரு தனது கலங்களை ஒழுங்கு படுத்துவதால் பாயியால் நிரப்பப்பட்ட அரும்பற்குழி எனும் குழியை கொண்ட கோளமாக மாறும். இது அரும்பற் சிறைப்பை […]

2.4 நொதியங்கள்

2.4 நொதியங்கள் enzymes

உயிர் உள்ள கலங்களினால் இயற்கையாக உற்பத்தி செய்யப்படுகின்ற உயிர் இரசாயன தாக்கங்களின் போது ஊக்கிகளாக தொழிற்படும் கோளப் புரதங்களே நொதியங்கள் எனப்படும். நொதியங்கள் கலம் ஒன்றில் நிகழும் அனுசேப தாக்கங்களின் ஏவற் சக்தியை குறைப்பதன் மூலம் அவற்றின் தாக்கவுத்த்தை அதிகரிக்க செய்பனவாக எப்போதும் தொழிற்படும். இதனால் கலங்களுக்கு வெளியே நடைபெறும் போது உயர்வெப்பநிலை தேவைப்படுகின்ற இரசாயன தாக்கங்கள் அங்கிகளின் உடல் வெப்பநிலையிலேயே நிகழக் கூடியதாக உள்ளது.

2.4.1 நொதியங்களின் சிறப்பியல்புகள் Characteristics of enzymes

நொதியங்கள் ஒவ்வொன்றும் தனிப்பட்ட முப்பரிமாண உருவத்தை கொண்டு இருப்பதால் அவை குறித்த ஒரு கீழ்ப்படையுடன் மட்டுமே தாக்கம் அடையக் கூடியனவாக இருக்கும். அதாவது நொதிய தாக்கங்கள் தனித்துவத்தன்மை உடையவை.

நொதிய தாக்கங்கள் யாவும் கொள்கை அளவில் மீளும் தாக்கங்களாகும்.

நொதியங்கள் மிக குறைந்த செறிவிலேயே ஆக கூடுதலான கீழ்ப்படைப்பொருளை தாக்கும் இயல்புடையதாகும்.

நொதியங்கள் வெப்ப உறுதியற்றவை. இவை உயர் வெப்பநிலையில் அமைப்பழிவுக்கு உள்ளாவதால் தமது தொழிற்படும் ஆற்றலை இழக்கின்றன. இது மீளமுடியாத தாக்கமாகும்.

நொதியங்கள் தாக்கத்தின் போது தாம் உபயோகிக்கப்படாமல் தாக்க வேகத்தை அதிகரிக்க செய்கின்றன. இதனால் இவை தாக்க முடிவில் எவ்வித மாற்றமும் இன்றி காணப்படுவதுடன் மேலும் கீழ்ப்படையுடன் தாக்கமடையக் கூடியவாறு சுயாதீனமாகவும் இருக்கும்.

நொதியங்கள் தாக்கத்தின் இறுதி விளைபொருட்களின் தன்மையையும் இயல்பையும் மாற்றமடையச் செய்வதில்லை.

2.4.2 நொதிய துணைக் காரணிகள் - Enzymatic co-factor

இவை சில நொதியங்களின் வினைத்திறன் வாய்ந்த தொழிற்பாட்டுக்கு அவசியமான புரதக் கூறுகளாகும். துணைக் காரணிகளாக எளிய அசேதன அயன்கள் அல்லது சிக்கலான சேதனமூலக்கூறு காணப்படும். நொதிய துணைக்காரணி சிக்கல் முழு நொதியம் எனவும் துணைக்காரணி அற்ற நொதிய பகுதி பிரி நொதியம் எனப்படும். துணைக் காரணியை பின்வருமாறு மூன்று வகைப்படும்.

அசேதன அயன்கள் - Inorganic ions

இவை நொதியங்களை அல்லது கீழ்ப்படையை வார்ப்புச் செய்து நொதிய கீழ்ப்படைச் சிக்கல் உருவாக்கப்படுவதில் முக்கிய பங்கு வகிக்கிறது. இதனால் தாக்கம் நடைபெறும் வாய்ப்பு அதிகரித்து தாக்க வீதமும் அதிகரிக்கும்.

Cl-, Zn2+, Mn 2+

உதாரணமாக உமிழ் நீரில் காணப்படும் அமிலேசு நொதிய தொழிற்பாட்டை அதிகரிக்க Cl- உதவுகிறது.

சங்கலித கூட்டம்

இவை நொதியங்களின் புரத பகுதியுடன் மிக இறுக்கமாக ஒன்று சேர்க்கப்பட்டு அவற்றின் ஊக்கி தொழிற்பாட்டுக்கு உதவும் புரதமற்ற சேதன பதார்த்தம் ஆகும்.

FAD, FMN, Haem ,Biotin

FAD – இதில் காணப்படும் riboflavin ஆனது ஜதரசன் வாங்கும் பகுதியாக உள்ளது.

Haem – இது இரும்பை கொண்டிருக்கும். இது Cytochrome இனது சங்கலித கூட்டமாக காணப்பட்டு e n காவியாக செயற்படுகிறது. அத்துடன் Haemoglobin இனது சங்கலித கூட்டமாக காணப்பட்டு O2 காவியாக தொழிற்படுகிறது.

துணை நொதியங்கள் -Auxiliary enzymes

இவை தாக்கங்களின் போது நொதிய புரதங்களுடன் இணைக்கப்பட்டிராத நிலையில் இவற்றின் ஊக்கித் தொழிற்பாட்டிற்கு உதவும் சேதனப்பதார்த்தம் இவை பல்வேறு தாக்கங்களில் வெளியேறும் ஜதரசனை வாங்கி நொதிய தாக்கங்களுக்கு ஊக்கியாக தொழிற்படும்.இவை விற்றமீன்களின் பெறுதிகளாக காணப்படும்.

NAD , NADP […]

2.3.4.6 ஒளித்தொகுப்பை பாதிக்கும் காரணிகள்

2.3.4.6 ஒளித்தொகுப்பை பாதிக்கும் காரணிகள்

CO2 செறிவு

CO2 ஆனது ஒளித்தொகுப்புக்கு அத்தியாவசியமான ஒரு மூலப்பொருட்கள் என்பதால் ஏனைய காரணிகள் போதியளவில் மாறாதுள்ள போது CO2 செறிவு அதிகரிக்குமாயின் ஒளித்தொகுப்பு வீதம் அதிகரித்து குறிப்பிட்ட ஒரு நிலையின் பின்னர்(பெரும்பாலும் 0.1 %) மாறிலியாகும். எனவே தரைத்தாவர ஒளித்தொகுப்பு வீத்த்தை எல்லைப்படுத்தும் பிரதான காரணியாக CO2 செறிவு காணப்படுகிறது,

ஒளிச்செறிவு

ஒளித்தொகுப்புக்கு தேவையான சக்தியை வழங்குகின்ற முதல் சூரியனாகும் எனவே ஏனைய காரணிகள் போதியளவு மாறாதுள்ள போது ஒளிச்செறிவு அதிகரிக்கையில் ஒளித்தொகுப்பு வீதமும் அதிகரித்து குறித்த ஒரு நிலையின் பின்னர் மாறிலியாகும் இது நிரம்பல் ஒளிச்செறிவாகும் ஆகவும் கூடிய ஒளிச்செறிவுள்ள சந்தர்ப்பத்தில் குளோரபி மூலக்கூறுகள் சிதைவடைவதால் ஒளித்தொகுப்பு வீதமும் சடுதியாக குறைவடைந்து ஒரு சந்தர்ப்பத்தில் முற்றாக நிறுத்தப்படும்.

வெப்பநிலை

ஒளித்தொகுப்பின் இருள்நிலைத் தாக்கத்தில் நொதியங்கள் பங்கு வகிப்பதால் ஒளித்தொகுப்பு வீதம் வெப்பநிலையால் பாதிக்கப்படும். ஒளித்தொகுப்பை பாதிக்கும் ஏனைய காரணிகள் மாறாதிருக்கும் போது ஒவ்வொரு 10 .C க்கும் ஒளித்தொகுப்பு வீதம் ஏறத்தாழ இரு மடங்காக அதிகரிக்கிறது . அனேக தாவரங்களில் ஒளித்தொகுப்பு சிறப்பு வெப்பநிலை 40.C இதைவிட வெப்பநிலை அதிகரிக்க நொதிய புரதப்பகுதி அமைப்பழிவு அடைவதன் காரணமாக ஒளித்தொகுப்பு வீதம் சடுதியாக குறைவடைந்து ஒரு சந்தர்ப்பத்தில் முற்றாக நிறுத்தப்படுகிறது.

கிடைக்கின்ற
நீரின்
அளவு

தாவரங்களுக்கு மண்ணில் இருந்து கிடைக்கின்ற நீரின் அளவு குறைவடையும் போது இலை நீர் கொள்ளளவு குறைவடைகிறது. இதனால் இலை வாய்கள் மூடப்பட்டு CO2 உள்ளெடுத்தல் பாதிக்கப்படுவதால் ஒளித்தொகுப்பு வீதம் குறைவடைகிறது. ஒளித்தொகுப்பானது கலங்களில் உள்ள நீரின் அளவால் நேரடியாக பாதிக்கப்படுவதில்லை ஏனெனில் ஒளித்தொகுப்பு போன்ற அனுசேப செயன்முறைக்கு என கலத்தில் உள்ள நீரில் 1%க்கும் குறைந்தளவே பயன்படுகிறது.

ஒட்சிசன்
செறிவு

ஒட்சிசன் செறிவு அதிகரிக்கம் போது C3 தாவரங்களில் ஒளிச்சுவாசம் அதிகளவில் நிகழ்வதால் அவற்றின் ஒளித்தொகுப்பு வீதம் குறைவடைகிறது.

தனித்துவமான
நிரோதிகள்

சில இரசாயன பதார்தங்கள் கறிப்பிட்ட இனத்தை சேர்ந்த தாவரங்களின் ஒளித்தொகுப்பு செயன்முறையை நிரோதிப்பதன் மூலம் அவற்றை அழிக்கின்றன. உதாரணமாக Dichloro Phenyl Dimethyl Urea [DCMU] என்ற இரசாயன பதார்த்தம் சில களைகளின் ஒளித்தொகப்பின் போத இடம்பெறும் வட்ட அடுக்கற்ற இலத்திரன் பாய்ச்சலை தடுப்பதன் காரணமாக அவற்றை அழிக்க உபயோகிக்கப்படகின்றன.

வளி
மாசாக்கிகள்

வளியில் காணப்படும் துணிக்கைகள் இலை மேற்பரப்பில் படிவடைந்து இலைவாய் துவாரங்களை அடைப்பதனாலும் இலையினுள் ஊடுருவும் ஒளியை தடுப்பதனாலும் ஒளித்தொகுப்பு வீத்த்தை பாதிக்கின்றன. அத்தடன் SO2 , O3 போன்றவை இலைகளை (குளோரபில்) சிதைவடையச் செய்வதால் ஒளித்தொகுப்பு வீதம் குறைகிறது.

குளோரபிலின்
அளவு

கனியுப்புக்களின் குறைபாடு நுண்அங்கிகளின் தாக்கம் போன்றவற்றால் தாவர குளோரபில் அளவு குறைவடைந்து வெண் பச்சை நோய் ஏற்படுகிறது. இதனால் ஒளித்தொகுப்பு வீதம் குறைவடைகிறது,

2.3.4.7 ஒளித்தொகுப்பு வீத்த்தி ஒளிச்செறிவினால் ஏற்படும் பாதிப்பை அறிவதற்கான பரிசோதனை

செய்முறை

நீரினுள் முற்றாக அமிழ்ந்து வாழும் Elodea என்ற தாவரம் எடுக்கப்பட்டு அதன் தண்டு 5 cm நீள துண்டாக வெட்டப்பட்டு வெட்டிய முனை மேற்பக்கமாக இருக்கத்தக்கவாறு உபகரணத்துடன் பொருத்தப்படும். […]

2.3.4ஒளிச்சுவாசம்

2.3.4 ஒளிச்சுவாசம்

RUBP Carboxylate ஆனது பொதுவாக RUBISCO என அழைக்கப்படும். [ RUBP Carboxylase Oxygenase ] ஏனெனில் இது Carboyl ஏற்ற தாக்கத்தை மட்டுமன்றி ஒக்சியேற்ற தாக்கத்தையும் மேற்கொள்கிறது. C3 தாவரங்களில் RUBISCO ஆனது Oxygen உடனும் தாக்கமடைய கூடியதாக உள்ளது. இதனால் ஒர் PGA மூலக்கூற்றுடன் Phosphoglycolate மூலக்கூறு ஒன்றும் விளைவாக்கப்படுகிறது, ஒளிச்சுவாச செயன்முறையின் போது தோற்றுவிக்கப்படுகின்ற இரண்டு Phosphoglycolate மூலக்கூறுகள் பச்சையஉருமணி , இழைமணி , பேரொக்சிசோம் என்பவற்றுக்கூடாக கடத்தப்பட்டு 1PGA மூலக்கூற்றையும் CO2 வையும் உருவாக்குகிறது.

C4 தாவரங்களில் RUBISCO நொதியம் Oxygen உடன் தாக்கமடையக் கூடிய வாய்ப்பு இருப்பது இல்லை. இதனால் ஒளிச்சுவாசம் நடைபெற மாட்டாது.

2.3.4.1 C4 தாவரங்களில் ஒளித்தொகுப்பு வினைத்திறன் உயர்வாக இருக்க காரணம்

PEP Carboxylase நொதியம் ஆனது RUBISCO விலும் பார்க்க கூடிய வினைத்திறனுடன் தாக்கமடையக்கூடியதாக உள்ளது.

C4 தாவரங்களில் ஒளிச்சுவாசம் நடைபெறுவது இல்லை ஏனெனில் இவற்றில் RUBISCO 4 ஆனது O2 உடன் தாக்கமடையக் கூடிய வாய்ப்பு இருப்பது இல்லை.

C4 தாவரங்களில் கட்டுமடலில் வளிமண்டலத்திலும் பார்க்க கூடிய செறிவில் CO2 காணப்படுகிறது. இதனால் RUBISCO ஆனது கூடிய வினைத்திறனுடன் CO2வை பதிக்க கூடியதாக உள்ளது.

C4 தாவரங்களில் வளிமண்டல CO2 செறிவு புச்சியத்தை அண்மித்த நிலையில் உள்ள போதே ஒளித்தொகுப்பு வினைத்திறனுடன் நிகழ்த்தக் கூடியதாக உள்ளது. அதாவது CO2 ஈடு செய்நிலையானது C4 தாவரங்களிலும் பார்க்க C3 தாவரங்களில் மிக உயர்வாக உள்ளது.

C4 தாவரங்களின் ஒளித்தொகுப்பானது உயர் ஒளிச்செறிவின் போதும் கூடிய வினைத்திறனுடன் நிகழ கூடியதாக உள்ளது. C3 தாவரங்கள் மிக குறைந்த ஒளிச்செறிவிலேயே நிரம்பலடைந்து விடுகிறது.

C4 தாவரங்களில் CO2 இருதடவை பதிக்கப்படுகிறது. C3 தாவரங்களில் ஒரு தடவை மட்டும் பதிக்கப்படுகிறது.

2.3.4.2

C4 தாவரங்கள்

C3 தாவரங்கள்

அனேகமாக அயன மண்டலத்துக்குரியவை கரும்பு .சோளம்
அனேகமானவை இடைவெப்ப வலயத்துக்குரியவை

ஒளிதெதொகப்பின் முதல் உறுதியான விளைபொருள் OAA [4c] ஆகும்.
Phosphoglycerate [3c] ஆகும்

CO2 இரு தடவை பதிக்கப்படும்
CO2 ஒரு தடவை பதிக்கப்படும்

KRANZ உடலமைப்பு காணப்படும்
இவ்வாறு காணப்படுவதில்லை

வேறுபட்ட உருவமுள்ள இரண்டு வகையான பச்சைய உருமணிகள் காணப்படும்.
பச்சைய உருமணிகள் எப்போதும் ஒரே வகைக்கு உரியதாக காணப்படும்.

ஒளித்தொகுப்பு வினைத்திறன் உயர்வானதாக இருக்கும்.
ஒளித்தொகுப்பு வினைத்திறன் ஒப்பீட்டளவில் குறைவு

ஒளிச்சுவாசம் நிகழ்வதில்லை
ஒளிச்சுவாசம் நிகழும்

உயர்ஒளி செறிவிலும் ஒளித்தொகுப்பை மேற்கொள்ளும்
நிரம்பல் ஒளிச்செறிவு குறைவானது.

வளிமண்டலத்தில் CO2 செறிவு புச்சியத்தை அண்மித்த நிலையில் உள்ள போதும் கூடிய வினைத்திறனுடன் ஒளித்தொகுப்பு நிகழும்
CO2 ஈடு செய்நிலை மிக உயர்வானதாக இருக்கும்.

 

2.3.4.3 உறிஞ்சல் நிறமாலை

 

ஒளியின் வெவ்வேறு இலை நீளங்கள் நிறப்பொருட்கால் அகத்துறிஞ்சப்ப்படும் அளவை குறித்து வரையப்படும் பரைபு உறிஞ்சல் நிறமாலை எனப்படும். ஒவ்வொரு நிறப்பொருளும் அவற்றுக்கு தனித்துவமான உறிஞ்சல் நிறமாலையை உடையது. வெள்ளொளியில் 400-740nm வரையிலான அலைநீளம் உள்ளடக்கப்பட்டிருக்கும். ஒளித்தொகுப்பு நிறப்பொருட்களில் நீல […]

2.3 ஒளித்தொகுப்பு

2.3 ஒளித்தொகுப்பு

குளோரபில் உள்ள கலங்களினால் ஒளிச்சக்தி ஆனது அகத்துறிஞ்சப்பட்டு Co2 , நீர் ஆகிய எளிய அசேதனப் பதார்தங்களை மூலப் பொருட்களாக பயன்படுத்தி சேதன உணவுப் பதார்த்தங்களை தொகுத்துக் கொள்கின்ற ஓர் உட்சேபத்துக்குரிய செயன்முறை ஒளித்தொகுப்பு எனப்படும். ஒளித்தொகுப்பின் போது ஒளிச்சக்தியானது இரசாயன சக்தியாக மாற்றப்பட்டு சேதன உணவுகளில் காணப்படும் இரசாயன சக்தியாக மாற்றப்பட்டு சேதன உணவுகளில் காணப்படும் இரசாயன பிணைப்புக்களில் சேமிக்கப்படுகிறது.

2.3.1 ஒளித்தொகுப்பின் உலகளாவிய முக்கியத்துவம்

உலகில் வாழ்கின்ற எல்லா பிற போசணிகளுக்கும் உணவை அல்லது சக்தியை வழங்குகிறது.

வளிமண்டலத்தில் Co2 ,O2 சமநிலையை பேண உதவுகிறது.

ஒளித்தொகுப்பானது ஓர் தாழ்த்தல் செயன்முறையாகும். இதன் போது அசேதன காபன் சேர்வையான Co2 ஆனது சேதன காபன் சேர்வைகளாக தாழ்த்தப்படுகின்றன. இவ்வாறான தாழ்த்தல் செயன்முறை நீரில் உள்ள H பயன்படுகிறது. எனவே நீரில் இருந்து O2 வாயு பக்க விளைபொருளாக விளைவிக்கப்படுகிறது. ஒளித்தொகுப்பின் போது பின்வரும் இரண்டு பிரதான படிமுறைகள் நடைபெறுகின்றன. ஒளித்தாக்கம் , இருள்நிலைத்தாக்கம்

2.3.2 ஒளித்தாக்கம்

இது பச்சைய உருமணியில் மணியுருவில் நடைபெறுகிறது. ஒளித்தாக்கத்துக்கு நேரடி ஒளி அவசியமாகும். இது வெப்பநிலையில் தங்கி இருப்பதில்லை மணியுருக்களில் காணப்படுகின்ற தைலகொயிட் மென்சவ்வுகளில் 200-300 வரையிலான நிறப்பொருட்கள் மூலக்கூறுகள் ஒன்று சேர்ந்து ஒளித்தொகுதியை உருவாக்குகின்றன. ஒளித்தொகதி ஒவ்வொன்றிலும் குளோரபில் a குளோரபில் b , கரோட்டின் , சந்தோபில் போன்றன காணப்படும் ஒவ்வொரு ஒளித்தொகுதியிலும் காணப்படும் ஓர் விசேடமான குளோரபில் a மூலக்கூறு மாத்திரம் ஒளி இரசாயன தாக்கத்தை மேற்கொள்ளும். இது தாக்க மையம் எனப்படும். தாக்க மையம் Reaction Centre எனப்படும். தாக்க மையம் தவிர்ந்த ஏனைய நிறப்பொருள் மூலக்கூறுகள் ஒளிச்சக்தியை அகத்துறிஞ்சி தாக்கமையத்தக்கு கடத்துகின்றன. இவை உணர்கொம்பு சிக்கல் நிறப்பொருட்கள் Antenna Plgments எனப்படும். ஒளித்தொகுதியில் உள்ள நிறப்பொருட்கள் வெள்ளொளியில் காணப்படும் நீல , சிவப்பு நிற ஒளிக்கதிர் அதிகளவில் அகத்துறிஞ்சப்படும். ஒளித்தொகுதிகளை அவற்றில் உள்ள தாக்கமைய அடிப்படையில் Photo system 1 [PS1] , Photo system 11 [PS11] என வகைப்படுத்தலாம். PS1 தாக்கமையம் ஆனது P700 எனவும் PS11 உள்ள தாக்கமையம் P680 எனவும் குறிப்பிடப்படுகின்றது.

ஒளித்தாக்கத்தின் போது நடைபெறுகின்ற நிகழ்ச்சியானது பின்வருமாறு இரு வகைப்படுத்தப்படும்.

வட்ட அடுக்கான ஒளிபொஸ்போரிலேற்றம்
வட்ட அடுக்கற்ற ஒளிபொஸ்போரிலேற்றம்

2.3.2.1வட்ட அடுக்கற்ற ஒளிபொஸ்போரிலேற்றம்

இதில் PS1 .PS11 ஆகிய இரு ஒளித்தொகுதிகளும் பயன்படுகின்றன. இதன் போது இலத்திரன்கள் Zigzag வடிவ பாதையை பின்பற்றுகின்றன. இதன் போது முதலில் PS11 இல் உள்ள தாக்கமையம் ஆனது ஒளிச்சக்தியை அகத்துறிஞ்சுவதால் அருட்டப்பட்டு உயர் சக்தி நிலையில் உள்ள இலத்திரன்களை விடுவிக்கிறது. இவ் இலத்திரன்கள் ஆரம்ப இலத்திரன் வாங்கி மூலக்கூறு ஒன்றால் ஏற்றுக் கொள்ளப்பட்டு பின்னர் அனேக தாழ்சக்தி நிலைகளில் உள்ள ஓர் தொடரான இலத்திரன் காவி மூலக்கூறுகளின் ஊடாக கடத்தப்படுகின்றன. இதன் போது இலத்திரன்களின் சக்தி நிலை படிப்படியாக […]

2.2 தாவர இழையங்கள்

 

2.2 தாவர
இழையங்கள்

குறிப்பிட்ட தொழிலை அல்லது தொழில்களை மேற்கொள்வதற்காக சிறத்தலடைந்த தம்மிடையே பௌதீக இணைப்புக்களை கொண்ட ஒரே உற்பத்தியுடைய கலங்களின் கூட்டமே இழையம் எனப்படுகிறது.

2.2.1.1 எளிய
நிலையிழையம்

2.2.1.1.1 புடைக்கலவிழையம்

இவை தாவர உடலில் சகல பகுதிகளிலும் மிக அதிகளவில் காணப்படுகின்றன. இவை பொதுவாக நிரப்பு இழையங்களாக தொழிற்படுகின்றன. இவை ஏனைய நிலையிழையங்களுடன் ஒப்பிடுகையில் குறைந்தளவிலேயே சிறத்தலடைந்துள்ளன. இக் கலங்களுக்கிடையே மிக தெளிவாக கலத்திடைவெளிகளை காணலாம். இக் கலங்கள் பொதுவாக ஒத்த பரிமாணம் உள்ளவை .இவற்றின் கலச்சவரில் செலுலோசு , பெக்ரின் அரைச்செலுலோசு என்பவற்றால் ஆன முதற்சுவர் உண்டு. துணைச்சவர் இல்லை இவை முதிர்ந்த நிலையில் கரு , குழியவுரு மையப்புன்வெற்றிடம் போன்றவற்றையும் ஏனைய புன்னங்கங்களையும் கொண்ட உயிருள்ள கலங்களாகும்.

2.2.1.1.1.1 புடைக்கலவிழையத்தின் தொழில்கள்

உணவை சேமித்து வைக்க உதவும்

இவை வீக்க நிலையில் உள்ள போது பண்டுத் தாவரங்களுக்கு ஆதாரம் வழங்கும்

கலங்களுக்கிடையே மிகப்பெரிய இடைவெளியை கொண்டிருப்பதால் வினைத்திறனுடன் வாயுப் பரிமாற்றத்தை மேற்கொள்ளும்.

சில புடைக்கலவிழைய கலங்களில் பச்சைய உருமணிகள் இருப்பதால் ஒளித்தொகுப்பை மேற்கொள்ளும். இவை பொதவாக பச்சையவிழையம் என அழைக்கப்படும்.

கலச்சவரில் உள்ள இடைவெளிகளின் ஊடாகவும் கலங்களின் ஊடாகவும் பதார்த்தங்களை கடத்த உதவும்.

2.2.1.1.2 ஒட்டுக் கலவிழையம்

இவை இரு வித்திலை தாவரங்களின் அங்கரப்பகுதியில் மாத்திரமே மேற்றோலை அடுத்துள்ள சுற்றயல் பகுதியில் காணப்படுகிறது. இது வேர்ப்பகுதியிலும் ஒரு வித்திலை தாவரங்களிலும் ஒரு போதும் காணப்படுவதில்லை. ஒட்டுக் கலவிழையம் துணை வளர்ச்சியின் போது தோற்று விக்கப்படுவதில்லை இவை காணப்படுகின்ற அங்கத்தின் நீள் பக்க அச்சுக்கு சமாந்தரமாக நீண்ட கலங்களாக காணப்படும். குறுக்கு வெட்டு முகத் தோற்றத்தில் இக் கலங்கள் பல் கோண வடிவம் ஆக இருக்கும் . சில ஒட்டுக் கல விழைய வகைகளில் மாத்திரம் குறைந்தளவிலான கலத்திடைவெளிகள் இருக்கும். இவை முதிர்ந்த நிலையில் கரு, குழியவுரு , மையப்புன்வெற்றிடம் போன்ற கப்புன்னங்கங்கள் காணப்படுகின்ற உயிருள்ள கலங்களாகும். இவற்றின் கலச்சுவரில் செலுலோசு , பெக்ரின் , அரைச்செலுலோசு என்பவற்றை கொண்ட முதற்சவர் மட்டும் காணப்படும். இவை இலிக்னின் ஏற்றப்பட்ட துணைச்சுவரை கொண்டிருப்பதில்லை . இவற்றின் கலச்சுவரானது சமனின்றி தடிப்படைந்து இருக்கும் . அதாவது கலங்களின் மூலைகளில் செலுவோசு மேலதிகமாக படிவடைந்து காணப்படும்.இது ஒட்டுக் கலவிழையத்தின் சிறப்பியல்பு ஆகும்.

2.2.1.1.2.1 ஒட்டுக்கலவிழையத்தின்தொழில்கள்

இது இளம் தண்டுப் பகுதி இலைகள் போன்றவற்றிற்கு பொறிமுறைக்குரிய தாங்கும் பலத்தை அளிக்கும் அத்துடன் இது வளையும் இயல்புடையது. சில பச்சைய உருமணிகளை கொண்டிருப்பதால் ஒளித்தொகுப்பை மேற்கொள்ளும்..

2.2.1.1.3 வல்லுருக் கலவிழையம்

இவை துணைச்சவராக இலிக்னின் என்ற பதார்தத்தை கொண்ட முதிர்ந்த நிலையில் உயிரற்ற கலங்களை கொண்டவை. இவற்றில் கலச்சுவர் தடிப்பு சீராக நிகழ்ந்திருக்கும் அத்துடன் கலச்சுவரில் எளிய குழிகளும் காணப்படும். கலச்சுவரின் பிரதான கூறாக செலுலோசு காணப்படும் . இவற்றில் பிரதான தொழில் பொறிமுறைக்குரிய ஆதாரத்தை வழங்குவதும் பொறிமுறைக்குரிய பாதுகாப்பை அளித்தலாகும்.வல்லுருக் கலவிழையத்தில் பின்வரும் இரண்டு வகைகள் உள்ளன. நார்கள் ,வல்லுருக்கள்

 

2.2.1.1.3.1 நார்கள்

நார்கள் […]

10.3.1.6.5 மனித பெண்ணின் மாதவிடாய்ச் சக்கரம். – Menstrual Cycle in Woman

10.3.1.6.5 மனித
பெண்ணின்
மாதவிடாய்ச்
சக்கரம். – Menstrual Cycle in Woman
பருவமடைந்த பெண்ணில் கருத்தரிக்காத நிலையில் மாதவிடாய் நிறுத்தம் வரை சூலகத்திலும் கருப்பை அகத்தோலிலும் நிகழும் ஒழுங்கான சக்கர ரீதியான மாற்றங்கள் அனைத்தும் ஒருமித்து மாதவிடாயச் சக்கரம் எனப்படும்.
அனேகமான பெண்களில் மாதவிடாய்ச் சக்கரம் நிகழ எடுக்கும் காலம் 28 நாட்கள் ஆகும்
மாதவிடாய்ச் சக்கரத்தின் போது கருப்பையிலும் சூலகத்திலும் மாற்றங்கள் நிகழும்.
சூலகச் சக்கரம் (Ovarian cycle).
புடைப்பு அவத்தை
சடல அவத்தை என இரு அவத்தைகளாக பிரிக்கப்படும்.
புடைப்பு அவத்தை (Follicular Phase)
பெண்ணில் பிறப்புக்கு முன்னரே முளைய நிலையில் சூல் உற்பத்தி ஆரம்பிக்கப்படும்.
பெண் குழந்தையின் பிறப்பின் போது இரு சூலகங்களினதும் மேற்பட்டையில் முதல்முட்டைக்குழியங்களை கொண்ட இரு மில்லியன் வரையான முதலான புடைப்புக்கள் உறங்கு நிலையில் காணப்படும்.
பிறப்பின் போது எந்த முதலான புடைப்புக்களினதும் விருத்தி நிகழாது. பெண் பருவமடையும் நிலையிலேயே முற்பக்க கபச்சுரப்பியின் FSH இன் தூண்டலால் முதலான புடைப்புக்களின் விருத்தி நிகழும்.
ஒரு தடவையில் ஒரு புடைப்பின் விருத்தி மாத்திரமே நிகழும். முதலான புடைப்பு விருத்தியடைந்து கிராபியன் புடைப்பை உருவாக்கும்.
முற்பக்க கபச்சுரப்பியின் LH இன் தூண்டலால் கிராபியன் புடைப்பு கிழிவடைந்து சூலகத்திலிருந்து துணைமுட்டைக்குழியம் வெளியேற்றப்படும்.

 
 துணைமுட்டைக்குழியம் இரண்டாவது ஒடுக்கற்பிரிவின் அனுவவத்தை நிலையிலேயே சூலகத்திலிருந்து வெளியேற்றப்படும்.
28 நாட்களை கொண்ட மாதவிடாய்ச்சக்கரத்தை கொண்ட பெண்ணில் இவ் அவத்தை நிகழ 14 நாட்கள் எடுக்கும்.
பலோப்பியன் குழாயினுள் துணைமுட்டைக்குழியம் உள்ளெடுக்கப்பட்டு மேற்பகுதியில் விந்தினதும் துணை முட்டைக்குழியத்தினதும் இணைதல் நிகழுமெனின் இரண்டாவது ஒடுக்கற்பிரிவு முழுமையாக்கப்படுவதுடன் கூல் விடுவிக்கப்பட்டு விந்தினதும் சூலினதும் கருக்கட்டல் நடைபெற்று கருப்பை அகத்தோலில் முளையம் அரும்பற்சிறைப்பையாக உட்பதிக்கப்படும்.
விந்தினதும் துணை முட்டைக்குழியத்தினதும் இணைதல் நிகழாது கருக்கட்டலும் நிகழாதெனின் துணைமுட்டைக்குழியம் 3 நாட்களின் பின் யோனி மடலினூடாக வெளியேற்றப்படும்.
சடல அவத்தை (Luteal phase)
முற்பக்க கபச்சுரப்பியின் LH இன் தூண்டலால் கிழிவடைந்த கிராபியன் புடைப்பு மஞ்சட்சடலமாக மாற்றமடையும்.
கருக்கட்டல் நடைபெற்று கருப்பை அகத்தோலில் முளையம் உட்பதிக்கப்படுமெனின் மஞ்சட்சடலம் நிலைத்திருக்கும்.
முளையம் கருப்பை அகத்தோலில் உட்பதிக்கப்படாவிடின் மஞ்சட்சடலம் சிதைவடைந்து வெண்சடலமாக மாற்றமடையும்.
28 நாட்களை கொண்ட மாதவிடாய்ச்சக்கரத்தை கொண்ட பெண்ணில் இவ் அவத்தை நிகழ 14 நாட்கள் எடுக்கும்.

 கருப்பையில் ஏற்படும் மாற்றங்கள் (Uterine cycle)
மாதவிடாய் அவத்தை
விரைவுப் பெருக்கல் அவத்தை
சுரத்தல் அவத்தை என 3 அவத்தைகளாக பிரிக்கப்படும்.
மாதவிடாய் அவத்தை (Menses)
முளையம் கருப்பை அகத்தோலில் உட்பதிக்கப்படாவிடின் மஞ்சட்சடலம் சிதைவடைந்து வெண்சடலமாக மாற்றமடையும்.
இதனால் குருதியில் Progesterone இன் செறிவு சடுதியாக குறைவடையும். இதன் காரணமாக கருப்பை அகத்தோலிற்கு குருதியை வழங்கும் குருதிக்கலன்கள் சுருங்கும். இதனால் கருப்பை அகத்தோலின் தொழிற்பாட்டுப்படை இழையங்கள் இறக்கும்.
இழையங்கள் உரிந்து குருதியுடன் சேர்ந்து வெளியேற்றப்படும். இது மாதவிடாய் எனப்படும்.
28 நாட்களை கொண்ட மாதவிடாய்ச்சக்கரத்தை கொண்ட பெண்ணில் இவ் அவத்தை நிகழ 5 நாட்கள் எடுக்கும்
மாதவிடாய் காலத்தில் அதிக பெண்களுக்கு தலைவலி, களைப்பு, வாந்தி , உளச்சோர்வு, எரிச்சல் போன்ற குணாதிசயங்கள் காணப்படும்.
விரைவுப் பெருக்கல் அவத்தை – […]

Wordpress